Tuesday, March 1, 2011

तुझ्याचसाठी..

उगाच तुझ्या प्रतीक्षेत, कण कण झुरत होतो,
" नसलेल्या " तुझ्या साठी, वणवण फिरत होतो...

तुझं " असणंही " नेहमी, माझ्यासाठी " नसणं " होतं,
जागा समोर हसताना, आतून मात्र रडत होतो....

ओल्या कुंद संध्याकाळी, किंचित तरी तिरीप येईल,
या एकाच आशेवर, आजवर मी जगत होतो....

रक्ताळलेल्या या जखमांवर फुंकर घालशील म्हणून,
भेगाळलेल्या पायांनी तुला दारोदार शोधत होतो.....

तुझं दिसणं हेच माझ्या जगण्याच कारण होतं,
जगण्यासाठी धडपडताना, प्रत्येक क्षणी मरत होतो....

जेंव्हा सारा उमजलं तेंव्हा, बराच उशीर झाला होतां,
त्रिशंकू सारखा तुझ्या आयुष्यात अधांतरी लटकत होतो...