वेडे मवाळ होते........

येथे पराभुतांचे वसले महाल होते,
सत्यास दाम्भिकानी केले सवाल होते.........
सोडून लाज सारी, मुजरा स्वतःस करती,
उपकार जोखाणारे, त्यांचे हमाल होते.........
सत्यास जागणारे झाले इथे करंटे,
मागून वार केले ते सारे खुशाल होते.......
सत्ता इथे कुणाची, मग्रूर कोण झाले?
हातात तस्करांच्या सारे निकाल होते.......
आवाज शांततेचा, उठला असा त्रिलोकी,
दंशात प्रेरणेचे असणे जहाल होते........
होवून एक क्रांती, उखडून राज्य सारे,
आकाश जाळणारे, ते वेडे मवाळ होते........