भार.....

बांधू इथेच घरटे, आता पुन्हा नव्याने,
हरणार ना कधीही, वादळाच्या भयाने..........

लुटते कधी न वेल, उमलणाऱ्या कळीला,
पण बाजार या फुलांचा, भरवला माणसाने.....

डोळ्यास पापण्यांची, अवलोकानास बंदी,
नजरेविनाही दिसती, सारे मला उखाणे......

ताटात सर्व दिसते, वाढून ठेवलेले,
भवति खडे पहारे, अन दानाचे बहाणे...

वादळे घोंगावली, करुनी उजाड वस्ती,
फिरुनी सर्व येथे, वसली घरे नव्याने......

तू उगाच आता, टाकू नको उसासे,
माझाच भार आहे, वाहीन मी सुखाने....