बदल……

आजकाल डोळ्यांना खूप काही वेगळं दिसतंय,
मी तिथेच आहे तरी, जग मात्र बदलत जातंय…

आयुष्य पकडण्यासाठी, साऱ्यांची धावपळ आहे,
नवीन सारं सामावताना जुनं तसंच पडून राहतंय……

मनाची कवाडे कशी कायम खुली असायची,
घराचं दार सुद्धा आता कुलुपबंद होवून गेलंय…….

कालच आयुष्य जरा पुन्हा पाहायला गेलो होतो,
कळून चुकलं मागील सारं, कालौघात वाहून गेलंय ….

बरंच काही हरवून गेलंय, या साऱ्या प्रवासात,
आजचं नवं असणारंही, उद्यासाठी जुनं होतंय…

मी सुद्धा बदललो आहे, जगालाही पटलं असणार,
पण आतून मी तोच आहे, वरच फक्त आवरण गेलंय…