सुकलेल्या त्या फुलात....

सुकलेल्या त्या फुलात अजुनी गंध ओले होते,
मिटलेल्या पापण्यात अजुनी रंग ओले होते....
शरमून चांदण्यांना तो चंद्र ढगा आड गेला,
काजव्यांनी उन्मादुन दीपोत्सव केले होते.....
ओढ्यात फेसाळत सारे पाणी पिसाट वाहे,
सागराचे जणू येथे अस्तित्व लोपले होते.....
रस्त्यात माणसांचा पूर वाहुनी आला,
शोधून माणसाला सारे डोळे थकले होते.....
घावात अजुनी माझ्या गंध फुलांचे येती....
त्या सुरीनेही जणू तुझे गुलाब चुंबिले होते...