बोल....

जाहले बोलणे किती, पण संवाद कोठे जाहला?
घेतले चांदणे उशाला, पण चंद्र कोठे पाहीला?

वाहतो मदमस्त वारा मोगऱ्याच्या फुलातूनी,
नुसत्याच पण त्या येरझाऱ्या, गंध कोठे राहिला?

एक रस्ता नागमोडी, घेवूनी मृद्गालीचे,
पाउलांची खूण नाही, उसासतो तो एकला....

आठवांचे घेऊन ओझे, शोधितो मार्ग पुढला,
जाळ्यात दश दिशांच्या, पाय माझा गुंतला....

तू स्वतः हरवून गेली, शाश्वताच्या पलीकडे,
प्रतारणा ही तूच केली, बोल मजला लाविला...