घर........

असेल हे घर छोटे, असेल ओसरीही छोटी,
माणसे या घरातील मनाने पण खूप मोठी.....

नसतोच प्रश्न येथे, कोणता रे धर्म तुझा,
भावते सर्वांनाच माणुसकीची जात मोठी.....

येती लुळे पांगळे ही, आधार साऱ्यांना इथे,
लागली येथे कधी ना, अंधास आधार काठी......

पोरके वा टाकलेले, वाटून सारे घास घेती,
हे तुझे, हे माझे, या कल्पनांना मूठमाती.....

माणसांचे बुरुज येथे, झेलण्याला वार सारे,
रक्षति चहुबाजूनी, माणुसकीच्या चार भिंती... ..

दुर्दम्य आशेचा इथे, दीप सदाही तेवतो,
निश्चयाचे तेल आणि प्रयत्नांच्या वाती......