हुरहूर.....

बहरेल का नव्याने, वेल ही रे वाळलेली,
सारी सुखे उशाशी, अंतरी पण पोळलेली...

तुझ्या मंदिरात देवा, लाचार रोज जमती,
मला कधी कशाची, आस नव्हती लागलेली.....

गंधास मोगऱ्याच्या, जरी नेई लुटून वारा,
लुटण्या सुगंध त्याचा, मी बाग लावलेली.....

होते घरात सारे, नव्हती कमी कशाची,
नव्हतास फक्त तू, ती हुरहूर लागलेली.....

गंतव्य तेच होते, अन रस्ते समान होते,
नव्हती पराभवाला हि पावले सरावलेली....

समईत ज्योत जळते, तेलाविनाच आता,
भरली तिच्यात आसवे विरहात पोळलेली........