शोध....

हरवलेले घर माझे, मी निरंत शोधीत आहे,
दिशाहीन वाऱ्यालाही का ठाव विचारत आहे.......

नव्हतो कधीच क्षणभर मी रहावयास येथे,
रस्ता तरी कसा मग ओळखीचा वाटत आहे......

उन्माद वादळाचा, त्याला सामील लाट मोठी,
शांत गंभीर किनारा, त्याला आवरत आहे......

अजून किती चालायचे? राहिल्या मागे दिशा,
क्षितिजावर तारा अजूनही वाट दाखवत आहे....

ओंजळीत तुझ्या होती, सुकलेली बकुळफुले,
अजूनही वेडा वारा, त्याचा सुगंध मागत आहे....

सजवून ठेविली आहे, माझी चिता इथे मी,
मृत्यू पण का मजला नेण्याचे टाळत आहे?