वेदना.....

मोजीतो पाऊले मी, अंतराची राहिलेल्या,
उरल्या झोळीत थोड्या, आठवणी वाळलेल्या...

आयुष्य लाभले जसे, जगत राहिलो तसा,
ना कधीही खंत केली, क्षणांची न लाभलेल्या....

चांदण्या रात्रीतले, अंधार ही मी पहिले,
चंद्रास ना सवाल केले, क्षितिजावर थांबलेल्या.....

वादळे घोंगावाली, अन झुंजलो लाटा सवे,
उठून मी जावे कसे, मैफिलीतून रंगलेल्या.....

वार शब्दांचे तुझ्या, झेलले हृदयावरी,
दाविल्या ना वेदना, पापण्या जरी ओलावल्या....

का प्रेमाचे असे, तू, आज हिशोब मागीशी,
तूच लुटल्या होत्यास ना, जाणिवा हृदयातल्या.....