सांज.......

नभात उगवला शशी, सुहास्य वदनी कोमल,
पौर्णिमा धुंदीत हसली, पाहुनी ते किरण शीतल....

शांत शांत पावन येतसे उधळीत हा गंध धुंद,
डोलवतो पुष्पास साऱ्या वाहताना संथ संथ,
रोमांचले अजाणताच, रातराणीचे तनु कोमल....

शशीसवे हासताना तारका या तारांगणी,
रक्तिमा लज्जेचा दिसे तव मुखाच्या प्रांगणी,
आतुरलेला इथे असा मी, सखे तुझाच श्यामल......

अंतरी उमललेल्या प्रीतीच्या या भावनांना,
तुझीच आहे प्रतीक्षा, तुझीच आहे कामना,
विश्व माझं भावनांच, तूच आहे व्यापलेलं...........



.