आव्वाज नकोय...

आता तू रोजच्या सारखा, त्रास मला देवू नको,
माझ्याशी बोलता बोलता, दुसरीकडे पाहू नको.....
इतर सगळ्या कितीही असोत, मी इथे एकटीच आहे,
अपर्णा गोरी असली, तरी माझ्यापेक्षा नकटीच आहे...
ती गौरी तर कायम गौरी सारखी घुमत असते,
चार पावलं चालली नाहीत, तोवर लगेच दमत असते...
प्राची तर अशी आहे, अंधारात फक्त दात दिसतात,
चेहऱ्यावर कायम तिच्या, पावडरचे थर असतात..
कल्याणीच सांगू नको, ती तुला पटणार नाही,
तिच्या बरोबर हिंडणं, तुझ्या खिशाला झेपणार नाही..
मला सुद्धा अरे, त्या प्रतिक बरोबर जाता येईल,
पण मी गेले तर सांग, तुझ्याकडे कोण पाहिल?
सांगायचं तात्पर्य इतकंच,तुला हवं ते घडणार नाही,
कितीही तू प्रयत्न कर, पण मी तुला सोडणार नाही.....



.